Download Free Apps & Games @ PHONEKY.com
Download Free Apps & Games @ PHONEKY.com
Subject: ~*~Shairy-e-Shraab~*~
Replies: 332 Views: 15957
z_haidar 11.01.12 - 07:27am
shikavaa-e-izataraab kaun kare
apanii duniyaa Kharaab kaun kare
*
gin to lete hain ungaliyon pe gunaah
rahamaton kaa hisaab kaun kare
*
ishq kii talKh kaamiyon ke nisaar
zindagii kaamayaab kaun kare
*
daavat-e-mayakashii un aaNkhon mein
jurrat-e-izataraab kaun kare
*
dil kaa aa_iinaa saamane laakar
tujh ko teraa javaab kaun kare
*
ham se mayakash jo taubaa kar baiThen
phir ye kaar-e-savaab kaun kare
*
Garq-e-jaam-o-sharaab hoke 'Z'
shuGl-e-jaam-o-sharaab kaun kare..
*
z_haidar 11.01.12 - 07:32am
suu-e-maikadaa na jaate to kuchh aur baat hotii
wo nigaah se pilaate to kuchh aur baat hotii
*
go havaa-e-gulasitaaN ne mere dil kii laaj rakh lii
wo naqaab Khud uThaate to kuchh aur baat hotii
*
ye bajaa kalii ne khil kar kiyaa gulasitaaN muattar
magar aap muskuraate to kuchh aur baat hotii
*
ye khule khule se gesuu, inhen laakh tuu saNwaare
mere haath se saNwarate, to kuchh aur baat hotii
*
go haram ke raaste se vo pahuNch gaye Khudaa tak
terii raahaguzar se jaate to kuchh aur baat hotii ... *
z_haidar 11.01.12 - 07:33am
mastaanaa piye jaa yuuN hii mastaanaa piye jaa
paimaanaa to kyaa chiiz hai maiKhaanaa piye jaa
*
kar garq may-o-jaam Gam-e-gardish-e-ayyaam
ab ai dil-e-naakaam tuu maiKhaanaa piye jaa
*
may-noshii ke aadaab se aagaah nahiin tuu
jis tarah kahe saaqii-e-maiKhaanaa piye jaa
*
is bastii mein hai vahashat-e-mastii hii se hastii
diivaanaa ban aur baadaa-e-diivaanaa piye jaa
*
maiKhaane ke hangaamen hain kuchh der ke mehamaaN
hai subah qariib 'Z' divaanaa piye jaa...
*
z_haidar 11.01.12 - 07:35am
jab vo masaruur nazar aataa hai
har taraf nuur nazar aataa hai
*
main to maiKhvaar huuN tuu kyon saaqii
nashe mein chuur nazar aataa hai
*
qurb se haath uThaayaa main ne
tuu barii duur nazar aataa hai
*
main hii tanhaa nahiin dil ke haathon
tuu bhii majabuur nazar aataa hai
*
Khaak_saarii ko chhupaane ke liye
'Z' maGaruur nazar aataa hai..
*
z_haidar 11.01.12 - 07:37am
nazar nazar se milaakar sharaab piite hain
ham unako paas biThaakar sharaab piite hain
*
isii liye to andheraa hai maikade mein bahut
yahaan gharon ko jalaakar sharaab piite hain
*
hamen tumhaare sivaa kuchh nazar nahiin aataa
tumhen nazar mein sajaakar sharaab piite hain
*
unhiin ke hisse mein aatii hai pyaas hii aksar
jo duusaron ko pilaakar sharaab piite hain..
*
z_haidar 11.01.12 - 07:38am
dariyaa-e-ashk chashm se jis aan bah gayaa
sun liijiyo ke arsh kaa aivaan bah gayaa
*
zaahid sharaab piine se kaafir huaa main kyuuN
kyaa Derh chulluu paanii men imaan bah gayaa
*
yuuN roye phuuT phuuT ke paaNvon ke aabale
naalaa saa ek suu-e-biyaabaan bah gayaa
*
kashtii savaar-e-umr huuN bahr-e-fanaa mein main
jis dam bahaa ke le gayaa tuufaan bah gayaa
*
thaa 'Zauq' pahale dillii mein panjaab kaa saa husn
par ab vo paanii kahate hain multaan bah gayaa..
*
z_haidar 11.01.12 - 07:39am
haq teri bazm ka adaa kartay
kis tarha tera shukriya kartay
*
teri khatir tordi qasm na peenay ki
ab ye na kartay hum to aur kya kartay..
*
z_haidar 11.01.12 - 07:40am
mastii bharii nazar kaa nashaa hai mujhe abhii
ye jaam duur rakh do pii luuNgaa phir kabhii
*
dil ko jalaa ke bazm ko raushan na kiijiye
us mah_jabiin ko aane mein kuchh der hai abhii
*
ham ne to ashk pii ke guzaarii hai saarii umr
ham se Khafaa hai kis liye aaKhir ye zindagii
*
jaam-e-subuu ko duur hii rahane de saaqiiyaa
mujh ko utaaranaa hai kal kaa nashaa abhii...
*
z_haidar 11.01.12 - 07:42am
Kal hum ne bazm e yaar mein kya kya sharab pi
Sehraa ki tishnigi ti so darya sharab pi
*
Apnon ne taj diya hai to ghairon mein ja ke beth
Ae khanma'n kharaab na tanhaa sharab pi
*
Tu hum safar nahin hai to to kya ser e gulistaa'n
Tu hum subu nahin hai to phir kya sharab pi
*
Do suratein hein yaaro dard e faraq ki
Ye us ke ghum mein toot ke ro, ya sharab pi
*
Ek mehrbaan buzurg ne yeh mashwara diya
Dukh ka koi ilaaj nahin ja sharab pi
*
Badal garaj raha tha idher, muhtasib udher
Phir jab talak ye uqdaa na suljha, sharab pi
*
Ae tu ke tere dar pe hein rindon ke jamghatey
Ek roz is faqeer ke ghar aa, sharab pi
*
Do jaam un ke naam bhi ae peer e mae kadah
Jin raftagaan ke saath hamesha sharab pi
*
Kal hum se apna yaar bhi khafa ho gaya 'Z'
Shayad ke hum ne hud se ziada sharab pi...
*
z_haidar 11.01.12 - 07:43am
duur se aaye the saaqii sun ke maiKhaane ko ham
bas tarasate hii chale afasos paimaane ko ham
*
may bhii hai miinaa bhii hai saaGar bhii hai saaqii nahiin
dil mein aataa hai lagaa den aag maiKhaane ko ham
*
ham ko fasanaa thaa qafaz mein kyaa gilaa sayyaad kaa
bas tarasate hii rahe hain aab aur daane ko ham
*
baaG mein lagataa nahiin saharaa mein ghabarataa hai dil
ab kahaaN le jaake baiThen aise diivaane ko ham
*
kyaa huii taqasiir ham se tuu bataa de ai 'Z'
taaki shaadii marg samajhen aise mar jaane ko ham..
*
z_haidar 11.01.12 - 07:45am
Torr kar uThe hain jaam-o-shiishaa-o-paimaanaa ham
kis se kah den aaj raaz-e-gardish-e-mastaanaa ham
*
bijaliyaaN ruuposh tuufaaN dam baKhud saharaa Khaamosh
jaa rahe hain kis taraf ai laGzish-e-mastaanaa ham
*
zindagii ik mustaqil sharah-e-tamannaa thii magar
umr bhar terii tamannaa se rahe begaanaa ham
*
tujh mein bhii kuchh hosh-mandaanaa adaayeN aa gaiin
tujh se bhii ab badagumaaN hain ai dil-e-diivaanaa ham
*
Khushk aaNkhen dil shikastaa ruuh tanhaa lab Khaamosh
bastiyon se dekhate hain suurat-e-viiraanaa ham
*
ham tak ab aaye na aaye daur-e-paimaanaa 'Z'
mutama_in baiThe hain zer-e-saayaa-e-maiKhaanaa ham..
*
z_haidar 12.01.12 - 09:04am
jalataa huuN hijr-e-shaahid-o-yaad-e-sharaab mein
shauq-e-savaab ne mujhe Daalaa azaab mein
*
kahate hain tum ko hosh nahiin iztaraab mein
saare gile tamaam hu_e ek javaab mein
*
phailii shamiim-e-yaar mere ashk-e-surKh se
dil ko GAzab fishaar huaa pech-o-taab mein
*
rahate hain jamaa kuuchaa-e-jaanaaN mein Khaas-o-aam
aabaad ek ghar hai jahaan-e-Kharaab mein
*
badanaam mere giriyaa-e-rusavaa se ho chuke
ab uzr kyaa rahaa nigaah-e-behijaab mein
*
matalab kii justajuu ne ye kyaa haal kar diyaa
hasarat bhii nahiin dil-e-naakaamayaab mein
*
naakaamiyon se kaam rahaa umr bhar hamen
pirii mein yaas hai jo havas thii shabaab mein
*
kyaa jalve yaaad aaye ke apanii Khabar nahiin
be-baadaa mast huuN main shab-e-maahataab mein
*
paiham sajuud paa-e-sanam par dam-e-vidaa
Momin Khudaa ko bhuul gaye iztaraab mein..
*
z_haidar 12.01.12 - 09:04am
La pila de saqia, paimana paimane ke baad
Baat matlab ki karoonga, hosh aa jane ke baad
*
Jo jalata hai kisi ko, khud bhi jalta hai zaroor
Shamma bhi jalti rahi, parwana jal jaane ke baa
*
Zindagi mein do hi lamhe, mujh pe guzre hain kathin
Ek tere aane se pehle, ek tere jaane ke baad
*
Uth chalo bas ae zafar, is mahfil-e-agiyar se
Warna pini hi padegi, daur chal jaane ke baad..
*
z_haidar 12.01.12 - 09:05am
Botal khuli hai raks mein jam e sharab hai
Ai mai kasho tumhari dua kaam yaad hai
*
Aisey haseen waqt mein peena sawaab hai
Hum tum hein maikada hai shab maahtaabh hai
*
Jise kiya tha pyaar usee ne diye hain gham
Sach poocheye tu dil ka lagana azaab hai
*
Pehlu mai hai raqueeb tumhare Khuda ki shaan
Kaanta be hai vaheen pe jahaan par gulaab hai
*
Paimana bhar ke kehte hain vo kis ada ki saath
Peelo hamare haath say peena sawaab hai
*
kyon maikade mein shaikh ji bante vo paarsa
Aankhen bata rahe hai kay neeyat kharaab hai..
*
z_haidar 12.01.12 - 09:07am
maujon kaa aks hai Khat-e-jaam-e-sharaab mein
yaa Khuun uchhal rahaa hai rag-e-maahataab mein
*
vo maut hai ki kahate hain jisako sukuun sab
vo ai_n zindagii hai jo hai iztaraab mein
*
dozaKh bhii ek jalvaa-e-firdaus se husn hai
jo is se beKhabar hain vahii hain azaab mein
*
us din bhii merii ruuh thii mahv-e-nishaat-e-diid
muusaa ulajh gae the savaal-o-javaab mein
-*
main iztaraab-e-shauq kahuuN yaa jamaal-e-dost
ik barq hai jo kaundh rahii hai naqaab mein..
*
z_haidar 12.01.12 - 09:08am
dil mein tum ho nazaa kaa hangaam hai
kuchh sahar kaa vaqt hai kuchh shaam hai
*
dard-o-Gam dil kii tabiyat ban chuke
ab yahaaN aaraam hii aaraam hai
*
pii rahaa huuN aaNkhon aaNkhon mein sharaab
ab na shiishaa hai na koii jaam hai
*
ishq hii Khud ishq kaa inaam hai
vaah kyaa aaGaaz kyaa anjaam hai
*
piine vaale ek hii do hon to hon
muft saaraa maikadaa badanaam hai..
*
z_haidar 12.01.12 - 09:09am
le kar saba gayii mera us tak payaam hai
fasl-e-bahaar tere bina na-tamaam hai
*
va'de ka apne us ko bohat ehtemaam hai
lauTe ga voh ke houne lagi ab tou shaam hai
*
bahke voh pii ke jaam-e-taraqqi nahi nahii!
thaame jou apne haath mein gheerat ka jaam hai
*
utre nigaah o dil mein tou ban jaaye koii baat
zikr e wafa tou aaj zabaa.n zad hai aam hai
*
us ke hi haath mein hai hayaat e gul chaman
ab dastaras mein jiski chaman ka nizaam hai
*
teri nigaah e shauq se pii ker khula ke kyun?
angoor ki sharaab ka piina haraam hai
*
:saara: firaq yaar mein din kaT gaye magar
kaTni kaThin aye yaar mere us ki shaam hai..
*
z_haidar 12.01.12 - 09:10am
Jo hadsay yeh jahan mere naam karta hai...
mera shaour inhain nazr-e-jam karta hai...
*
Hamaray chak-e-geereban se khelnay walo...
humain bahar ka suraj salam karta hai...
*
humeen se mili hai qos-e-qaza ko rangeeni...
hamaray dar pe zamana qayam karta hai....
*
Yeh mai-kada hai yahn ki her ek shay ka hazoor..
gham-e-hayat bohat ehtram karta hai....
*
Faqeeha shehar ne tohmat lagai saghar per...
yeh shaks dard ki dolat ko aam karta hai...
*
z_haidar 12.01.12 - 09:11am
azmat-e-zindagii ko bech diyaa
ham ne apanii Khushii ko bech diyaa
*
chashm-e-saaqii ke ik ishaare pe
umr kii tishnagi ko bech diyaa
*
rind jaam-o-subuu pe haNsate hain
shaiKh ne bandagii ko bech diyaa
*
rah_guzaaron pe luT gaii raadhaa
shaam ne baaNsurii ko bech diyaa
*
jagamagaate hain vahashaton ke dayaar
aql ne aadamii ko bech diyaa
*
lab-o-ruKhsaar ke ivaz ham ne
sitvat-e-Khusravii ko bech diyaa
*
ishq beharuupiyaa hai ai 'Sagar'
aap ne saadagii ko bech diyaa...
*
z_haidar 12.01.12 - 09:12am
may pilaakar aapakaa kyaa jaayegaa
jaayegaa iimaan jisakaa jaayegaa
*
dekhakar mujhako vo sharmaa jaayegaa
ye tamaashaa kisase dekhaa jaayegaa
*
jaauuN butaKhaane se kyuuN kaabe ko main
haath se ye bhii Thikaanaa jaayegaa
*
qatl kii jab usane dii dhamakii mujhe
kah diyaa main ne bhii dekhaa jaayegaa
*
pii bhii le do ghuuNT zaahid pii bhii le
maikade se kaun pyaasaa jaayegaa..
*
z_haidar 12.01.12 - 09:13am
main to aavaaraa shaayar huuN merii kyaa vaqa'at
ek do giit pareshaan se gaa letaa huuN
*
gahe gahe kisii naakaam sharaabii kii tarah
ek do zahar ke saaGar bhii charhaa letaa huuN
*
tuu ke ik vaadii-e-gul_rang kii shah_zaadii hai
ek bekaar se insaaN ke liye vaqf na ho
*
tere Khvaabon ke jaziiron mein barii raunaq hai
ek anjaan se tuufaaN ke liye vaqf na ho..
*
z_haidar 12.01.12 - 09:13am
Khaali jaam liye baithe ho,un aankhon ki baat karo,
Raat bahut hai, pyaas bahut hai, Baarsaton ki baat karo,
*
Jo peekar mast huey hain un ke ziker se kya hasil
Jin tak jaam nahin pahuncha hai un pyaason ki baat karo
*
Chup rehney se kat na sakegi saadiyon lambi raat yahan,
Jin yaadon se dil roshan hai, un yaadon ki baat karo
*
Phir palkon par jugnu chamke,aankhon mein ghata si lehrai
Thandi hawa ka ziker karo, Kuch bheegi ruton ki baat karo
*
Raat bahut hai, pyaas bahut hai, Baarsaton ki baat karo,
Khaali jaam liye baithe ho, un aankhonki baat karo..
*
z_haidar 12.01.12 - 09:14am
shab ko wo pii_e sharaab nikalaa
jaanaa ye ki aaftaab nikalaa
*
qurbaaN pyaalaa-e-mai-naab
jaise ki teraa hijaab nikalaa
*
mastii mein sharaab kii jo dekhaa
aalam ye tamaam Khwaab nikalaa
*
shaiKh aane ko mai-qade mein aayaa
par ho ke bahot Kharaab nikalaa
*
thaa Gairat-e-baadaa aks-e-gul se
jis juu-e-chaman se aab nikalaa..
*
z_haidar 12.01.12 - 09:15am
saaqiyaa teraa isaraar apanii jagah
tere maikash kaa inkaar apanii jagah
*
teG apanii jagah daar apanii jagah
aur haqiiqat kaa izhaar apanii jagah
*
ab khanDahar hai khanDar hii kaho dosto
shiish mahalon ke aasaar apanii jagah
*
tuur par laakh muusaa se ho guftaaguu
arsh-e-aazam pe diidaar apanii jagah
*
avvalan haq ne taKhliiq jis ko kiyaa
sab ke baad us kaa izhaar apanii jagah
*
muKhtasar ye bataa sar baa-kaf kaun thaa
jiit apanii jagah haar apanii jagah
*
bhaaii se bhaaii ke kuchh taqaaze bhii hain
sahan kii biich kii diivaar apanii jagah
*
z_haidar 12.01.12 - 09:16am
ye intazaar Galat hai ki shaam ho jaaye
jo ho sake to abhii daur-e-jaam ho jaaye
*
Khudaa-na Khvaastaa piine lage jo vaa_iz bhii
hamaare vaaste piina haraam ho jaaye
*
mujh jaise rind ko bhii tuu ne hashr mein yaa Rab
bulaa liyaa hai to kuchh intazaam ho jaaye
*
vo sahan-e-baaG mein aaye hain may-kashii ke liye
Khudaa kare ke har ik phuul jaam ho jaaye
*
mujhe pasand nahiin is pe gaam-zan honaa
vo rah-guzar jo guzar-gaah-e-aam ho jaaye...
*
z_haidar 12.01.12 - 09:17am
rangat terii zulfon kii ghaTaaon ne churaaii
Khushbuu tere aaNchal se havaaon ne uraaii
*
paimaane kaa dil TuuT na jaaye to kahuu.N main
hai chiiz Gazab kii jo nigaahon ne pilaaii
*
qaidii terii zulfon kaa hai aazaad jahaaN se
mujh ko ye rihaaii to sazaaon ne dilaaii
*
maanaa kii bahaaron ne khilaayaa hai gulon ko
ulfat kii kalii dil mein vafaaon ne khilaaii
*
tham-tham ke barasanaa kabhii jham-jham ke barasanaa
saavan ko adaa ye mere ashkon ne sikhaaii
*
manzil pe pahunch kar 'nasiim' ehasaas huaa hai
jis raah se pahunchaa ye Khataaon ne dikhaaii
*
z_haidar 13.01.12 - 06:51am
tor kar uThe hain jaam-o-shiishaa-o-paimaanaa ham
kis se kah den aaj raaz-e-gardish-e-mastaanaa ham
*
bijaliyaaN ruuposh tuufaaN dam baKhud saharaa Khaamosh
jaa rahe hain kis taraf ai laGzish-e-mastaanaa ham
*
zindagii ik mustaqil sharah-e-tamannaa thii magar
umr bhar terii tamannaa se rahe begaanaa ham
*
tujh mein bhii kuchh hosh-mandaanaa adaayeN aa gaiin
tujh se bhii ab badagumaaN hain ai dil-e-diivaanaa ham
*
Khushk aaNkhen dil shikastaa ruuh tanhaa lab Khaamosh
bastiyon se dekhate hain suurat-e-viiraanaa ham
*
ham tak ab aaye na aaye daur-e-paimaanaa 'Z'
mutamain baiThe hain zer-e-saayaa-e-maiKhaanaa ham..
_________________ *
z_haidar 13.01.12 - 06:53am
Humara Dil Savere Ka Sunhra Jaam Ho Jaye
Chiragon Ki Tarah Aankhein Jalein, Jab Sham Ho Jaye
*
Main Khud Bhi Ehtiyatan Us Gali Se Kam Gujrata Hoon
Koi Masoom Kyon Mere Liye Badnaam Ho Jaye
*
Ajab Halaat The Yun Dil Ka Sauda Ho Gaya Aakhir
Mohabbat Ki Haveli Jis Tarah Neelam Ho Jaye
*
Samander Ke Safar Mein Is Tarah Aawaz Do Humko
Hawayein Tez Ho Aur Kashtiyon Mein Sham Ho Jaye
*
Mujhe Maloom Hai Uska Thikana phir Kahan Hoga
Parinda Aasman Choone Mein Jab Nakaam Ho Jaye
*
Ujale Apni Yaado Ke Humare Sath Rehne Do
Na Jane Kis Gali Mein Zindagi Ke Sham Ho Jaye...
*
z_haidar 13.01.12 - 06:54am
subuu ko daur mein laao bahaar ke din hain
hamen sharaab pilaao bahaar ke din hain
*
ye kaam aa_iin-e-ibaadat hai mausam-e-gul mein
hamen gale se lagao bahaar ke din hain
*
Thahar Thahar ke na baraso umaD paro yak dam
sitam_garii se ghaTaao bahaar ke din hain
*
shikastaa-e-taubaa kaa kab aisaa aayegaa mausam
Adam ko gher ke laao bahaar ke din hain..
*
z_haidar 13.01.12 - 06:54am
is tarah har Gam bhulaayaa kiijiye
roz maiKhaane mein aayaa kiijiye
*
chhor bhii diijiye takalluf sheKh jii
jab bhii aayen pii ke jaayaa kiijiye
*
zindagii bhar phir na uteregaa nashaa
in sharaabon mein nahaayaa kiijiye
*
ai hasiinon ye guzaarish hai merii
apane haathon se pilaayaa kiijiye..
*
z_haidar 13.01.12 - 06:55am
koii samajhaayiye ki kyaa rang hai maiKhaane kaa
aaNkh saaqii kii uThe, naam ho paimaane kaa
-*
garmii-e-shamaa kaa afasaanaa sunaanevaalo
raqs dekhaa nahiin tum ne abhii paravaane kaa
*
chashm-e-saaqii mujhe har gaam pe yaad aatii hai
raastaa bhuul na jaauuN kahiin maiKhaane kaa
*
ab to har shaam guzaratii hai isii kuuche mein
ye natiijaa huaa naaseh tere samajhaane kaa
*
ab to har manzil se guzarnaa to hai aasaaN Iqbal
ishq hai naam Khud apane se guzar jaane kaa..
*
z_haidar 13.01.12 - 06:56am
dastuur ibaadat kaa duniyaa se niraalaa ho
ik haath mein maalaa ho ik haath mein pyaalaa ho
*
puujenge saliiqe se andaaz magar apanaa
ho yaad-e-Khudaa dil mein saaqii ne sambhaalaa ho
*
mastii bhii taqaddus bhii ek saath chale donon
ik simt ho maiKhaanaa ik simt shivaalaa ho
*
masjid kii taraf se tuu jaanaa na kabhii saaqii
zaahid bhii kabhii teraa na chaahanevaalaa ho
*
vo Duub ke mar jaayen madiraa kii suraahii mein
maashuuq ne gar dil kii mahafil se nikaalaa ho..
*
z_haidar 13.01.12 - 06:57am
Aaj Saqi Sharab Rehne Do,
*
Tashnagi Ke Azab Rehne Do,
*
Ponchh Dalo Na Ankh Se Kajal
*
Kuchh To Khanjar Pe Aab Rehne Do,
*
Tum Sanwaro In Apni Zulfon Ko
*
Meri Halat Kharab Rehne Do,
*
Chaand Baadal Mein Achha Lagta Hai
*
Aadhe Rukh Pe Naqab Rehne Do,
*
Un Ke Chehre Ki Baat Ho Jaey
*
Aaj Zikr-e-Gulab Rehne Do,
*
Un Ki Chokhat Ko Choom Lo Mohsin
*
Baaqi Sare Sawab Rehne Do,,,!
*
z_haidar 13.01.12 - 06:59am
shor hai har taraf sahab sahab
saqia saqia sharab sharab
*
rind bakshay gaey qiamat mein
sheik kahta raha hisaab hissaab
*
phir wohi mast bakhabar nikla
jis ko kahtay thai sab karab karab
*
mujh se wajhaey gunah jab poche
sar juka ke kaha mein ne shabab shabab
*
jam girnay laga to bhaga sheik
thamna thamna kitaab kitaab
*
kab wo aata hai samnay kashfe
jis ke har ek ada hijaab hijaab..
*
z_haidar 13.01.12 - 07:00am
maan mausam kaa kahaa, chhaaii ghaTaa, jaam uThaa
aag se aag bujhaa, phuul khilaa, jaam uThaa
*
pii mere yaar tujhe apanii qasam detaa huuN
bhuul jaa shikavaa-gilaa, haath milaa, jaam uThaa
*
haath mein jaam jahaaN aayaa muqaddar chamakaa
sab badal jaayegaa qismat kaa likhaa jaam uThaa
*
ek pal bhii kabhii ho jaataa hai sadiyon jaisaa
der kyaa karanaa yahaaN, haath barhaa, jaam uThaa
*
pyaar hii pyaar hai sab log baraabar hain yahaaN
maikade mein koii chhoTaa na baraa, jaam uThaa..
*
z_haidar 13.01.12 - 07:02am
''shayad!!''
*
Deepak-e-chashm phir se roshan hai
Phir dhanak Theherti hai chehre pe
Chandni phir gudaz jazbooN ko dil ke kounooN maiN duddudati he
Phir kisi ki sarab aankhooN pe nazm kehne ko lufz muchle haiN
Aur kisi ki sharab batooN se baat kerne ko dil muchalta he
Phir kisi neemwa dareeche se subz mausam ki sans aati he
*
Husn phir ishq ki hudood maiN he!
Dil hatheli pe aagaya jaise!!
Phir tabahi ki had maiN he shayad!
Ya muhabbat ki zad maiN he shayad!! *
z_haidar 13.01.12 - 07:03am
ek hi baat zamaane ki kitabon mein nahin
jo gham-e-dost mein nasha hai sharabon mein nahin
*
husn ki bheek na mangenge na jalwon ki kabhi
hum faqiiron se milo khulke hijaabon mein nahin
*
har jagah phirte hain aawaara khayaalon ki tarah
yeh alag baat hai hum aapke khwaabon mein nahin
*
na dubo saagar-o-miinaa mein yeh gham ae Z
ke maqaam inka dilon mein hai sharaabon mein nahin
*
z_haidar 13.01.12 - 07:04am
ab chhalakte hue saaGar nahiin dekhe jaate
taubaa ke baad ye manzar nahiin dekhe jaate
*
mast kar ke mujhe auron ko lagaa muuNh saaqii
ye karam hosh mein rah kar nahiin dekhe jaate
*
saath har ek ko is raah mein chalanaa hogaa
ishq mein rah_zan-o-rah_bar nahiin dekhe jaate
*
ham ne dekhaa hai zamaane kaa badalanaa lekin
un ke badale hue tevar nahiin dekhe jaate.. *
z_haidar 13.01.12 - 07:07am
tujh ko dariyaadilii kii qasam saaqiyaa
mushtaqil daur par daur chalataa rahe
raunaq-e-maikadaa yuuN hii barhtii rahe
ik girataa rahe ik sambhalataa rahe
*
sirf shabanam hii shaan-e-gulistaaN nahiin
sholaa-o-gul kaa bhii daur chalataa rahe
ashk bhii chashm-e-pur_nam se bahate rahen
aur dil se dhuaaN bhii nikalataa rahe
*
tere kabaze mein hai ye mizaamii jahaaN
tuu jo chaahe to saharaa bane gulistaaN
har nazar par terii phuul khilate rahe
har ishaare pe mausam badalataa rahe
*
tere chehare pe ye zulf bikharii huii
niind kii god mein subah nikharii huii
aur is par sitam ye adaayeN terii dil hai
aaKhir kahaaN tak sambhalataa rahe
*
is mein Khuun-e-tamannaa kii taasiir hai
ye vafaa-e-muhabbat kii tasviir hai
aisii tasviir badale ye mumkin nahiin
rang chaahe zamaanaa badalataa rahe...
*
z_haidar 13.01.12 - 07:09am
uske paimane mein kuchh aur, mere paimane mein kuch aur
dekhna saqi ho na jaye, tere maikhane mein kuchh aur
________________ *
z_haidar 13.01.12 - 07:10am
dekhaa kiye vo mast nigaahon se baar baar
*
jab tak sharaab aaye kaii daur ho gaye
*
z_haidar 13.01.12 - 07:11am
dil mein tum ho nazaa kaa hangaam hai
kuchh sahar kaa vaqt hai kuchh shaam hai
*
dard-o-Gam dil kii tabiyat ban chuke
ab yahaaN aaraam hii aaraam hai
*
pii rahaa huuN aaNkhon aaNkhon mein sharaab
ab na shiishaa hai na koii jaam hai
*
ishq hii Khud ishq kaa inaam hai
vaah kyaa aaGaaz kyaa anjaam hai
*
piine vaale ek hii do hon to hon
muft saaraa maikadaa badanaam hai *
z_haidar 13.01.12 - 07:11am
Main nazar se pee raha hoon ye samaan badal na jaaye
Na jhukaao tum nigaahain kahin raat dhal na jaaye
*
Abhi raat kuch hai baaqi na uthaa niqab saaqi
Tera rind girtay girtay kahin phir sanbhal na jaaye
*
mere ashk bhi iss mein ye sharab ubal na jaaye
mera jaam choonay waalay tera hath jal na jaaye
*
Meri zindagi ke maalik mere dil pe hath rakh de
Teray aanay ki khushi mein mera dum nikal na jaaye
*
Mujhay phoonknay se pehle mera dil nikal lena
Ye kisi ki hai amanat kahin sath jal na jaye..
*
xxkamixx 16.01.12 - 02:03am
bade dino ke badh aaj ye ehtamam tha
aik hath tasveer uski , aik hath jaam tha *
z_haidar 16.01.12 - 04:52pm
Teri Aankhon Se Meri Dosti Be-Had Poorani Hai
Ke Main Shayar Hun
*
Aur Din Raat Maikhanon Main Rehta Hun ..!
*
z_haidar 17.01.12 - 05:40pm
Masti_e_ishq ki rangeen ada maykhana,
Apne sookay huway honton ki sada maykhana,
*
Mujhse mat pooch mere jurm o saza Ay saaqi,
Ishq hay jurm mera aur saza maykhana,
*
Dasht_e_tanhai main is ne hi sambhala mujhko,
Mera hay koi, to hay baad_ e_ khuda maykhana,
*
Yaar zalim nay meri pyas bujhai hay to tab.
khanjar_e_ishq se jab dil pay likha maykhana,
*
Aaj masti thi bohat unki adaon main Mohsin,
Wajah jo un se hay poochi to kaha maykhana..
*
z_haidar 17.01.12 - 05:42pm
husn-e- shama likhon ya sharab likhon
hamdam likhon sathi likhon ya khawab likhon
*
tere sarapa-e-husn se heraan hon main
mehjabeen likhon sehar likhon ya aaftaab likhon
*
teri zulf jo chupati he chehra tera
raqeeb likhon nagin likhon ya naqaab likhon
*
nazar utha k jo chal dae aap
be rukhi likhon bewfa likhon ya hijaab likhon
*
khatam ho jata he zakhera-e-alfaaz
dil to kehta he teri taareef be panaah likhon..
*
z_haidar 17.01.12 - 05:43pm
kal shaam tere ghar qayyam kis ka tha
na tha koi musafir to ehtemaam kis ka tha
*
likh likh k chomti rahi jis ko raat bhar
hamain bhi batao wo naam kis ka tha
*
jis ko sun k ro pare ahl e mehfil
itna bhegta hua anjaam kis ka tha
*
hamin pe k kuch hosh na raha dosto
wo hath kis ka tha wo jaam kis ka tha..
*
z_haidar 17.01.12 - 05:44pm
SAqi sharab laa de, k tabiyat udas hy,
Mujhe itni pila de, k tabiyat udas hy,
*
Tere jam ki kasm apne ap main nahi hun,
Ankhon se hi pila de, k tabiyat udas hy,
*
Sharab nahi ye mere liye, aab-e-hayat hy
Tarsa tarsa k na pila, k tabiyat udas hy,
*
Sansain ruk rahi hain meri or dum ghut raha hy ,
Didaar apna aa kara de, k tabiyat udas hy,
*
Apno ne thukraya hy mujhe khuda ki kasam,
Tu apna ban k dikha k tabiyat udas hy...
*
z_haidar 17.01.12 - 05:45pm
Thukrao ab k payar karo main nashe main hoon
jo chaho mere yaar karo main nashe main hoon
*
ab bhi dila raha hoon yaqeen e wafa magar
mera na aetbaar karo main nashe main hoon
*
girne do tum mujhe mera sagar sanbhal lo
itna to mere yaar karo main nashe main hoon
*
mujh ko qadam qadam pe bhatakne do waizoo
tum apna karobaar karo main nashe main hoon
*
phir be khudi main had se guzrne laga hoon main
itna na mujhe se payar karo main nashe main hoon..
*
